” العاصمة الثانية ” تدعم مواهب الثغر ..مريم حسين فنانة سكندرية علي طريق العالمية

كتب – تامر طه

يعد أهل الإسكندرية من ذوات الذوق العالي والموهوبين تلقائياً وخرج من الإسكندرية مئات الفنانين والمبدعين مثل عمر الشريف ويوسف شاهين ومحمود عبد العزيز وغيرهم ولذلك قرر موقع العاصمة الثانية تبني فكرة دعم الموهوبين من ابناء المحافظة وتم الإعلان عن ذلك عبر صفحة الموقع وتم إستقبال مئات الطلبات من ابناء الإسكندرية المبدعين واليوم ننشر تجربة مريم حسين دياب بنت الإسكندرية الموهوبة في مجال الرسم وتسيير علي خطي الفنانين العالميين.

وقالت مريم بدأت من صغري رسم اشياء بسيطة في فترة ابتدائي وبعد ذلك أصبح لدي شغف كبير جدا أن اتعلم أكثر فبدأت في المرحلة الإعدادية ابحث عن كورس يعلمني أساسيات الرسم لتدريب نفسي علي بعض المهارات الاساسية مثل الطبيعة الصامتة والظل والنور واساسيات البورترية.

وأضافت مريم : كانت رسوماتي بسيطة جدا في البداية وتعلمت رسم اول بورترية كامل في حياتي وانا في اولي ثانوي مكنتش لسه حاسة اني وصلت للمستوي اللي نفسي فيه وبعدها دخلت كلية الاداب قسم جغرافيا وكانت نقلة قويه جدا لي عندما تعرفت علي رئيس الاتحاد مايكل ماجد مفيد و دخلت معاه في النشاط التطوعي واكتشف اني برسم كويس و بدأ يوجهني زي اني مفروض احضر ورش رسم و افتح اليوتيوب اتفرج علي فديوهات اتعلم منها واطور من نفسي بدات ادرب اكتر واكتر ويكون في ممارسة كل يوم للرسم وبدات اتعلم اعرض شغلي علي السوشيال لحد ما بدات اوصل لمستوي اعلي من اللي انا في خلال سنتين فقط .

وأشارت مريم : أصبحت اشارك برسوماتي في مسابقات الجامعه والحصول علي مراكز علي مستوي جامعه اسكندرية وبدات انا اللي اعمل الورشه واعلم غيري من طلاب باسم اتحاد كليتي في الجامعة و بدأت اشارك في فعليات خاصة بالرسم زي الرسم علي الاسفلت ويكون ليا مشاركات بسيطه زي الرسم علي الوش في حفلات يوم اليتيم بالجامعة وبعد كده حبيت فكرة  المعارض وعرفت اشارك فيها واعرف ايه المعارض المناسبة ليا وشاركت في معرض كايرو أرت وشاركت في أحد المعارض الإيطالية وبدأت أرسم فنانين مشهورين زي احمد جمال ومصطفي جاد والممثل الاجنبي vinnie bennett وبحلم اكون فنانة عالمية.