جماهير الاتحاد السكندرى بعد معاقبة لاعبى السلة مادياً: الخصم وحده مش كفاية

إذ يقول (سامر صالح-مشجع اتحاداوى): “اللاعبين مقصرين …نعم العقوبة اجراء صحيح … نعم لكننا نرفض العقوبات حين يتم اتخاذها شماعة لأخطاء الإدارة القاتلة في كل المجالات بدءا من بيع لعيبة أو استجلاب لاعبين بثمن رخيص …علينا أن نختار أن نكون نادي صاحب الشعبية الثالثة في البلاد أو مزرعة دواجن ننظر الي الأرباح فقط”. ويوافقه (خميس موده) الرأى مرجعاً السبب إلى أن: “الادارة بقى زى مابتحاسب هى كمان لازم تتحاسب على التعاقد مع لعيبة دون المستوى والتعاقد مع مدرب دون المستوى مش كده واللا ايه”.

أما (أسعد عبد الحافظ-مشجع) فيرى أن: “الاستغناء عن رامي والبحيري وأخرين دون المستوي منذ العام الماضي ولكن لا حياة لمن تنادي”. ويتساءل (على عبد العظيم): “ليه لاعيبة الكورة والسلة بيتخاذلو كده وبيستخفو بمشاعر واحلام الجمهور”. بينما علق (طارق الصاوى_مشجع باسكيت) على الخسارة قائلاً: “بصراحة فية لغز للمحترف ومع الأسف مشجعوا الاتحاد حزروا كثيرا بان مستواه لا يليق بالنادي الاول في مصر في كرة السلة وعلي الإدارة تصحيح الوضع”. وبادله (باسم على) الرد بعبارات: “سيبك من المحترف وسيك من رامي إبراهيم وياسر صالح وحاتم البحيري كده كده ملهومش أي دور في الفريق طب بقي بالنسبة للأخ يوسف بيه شوشة والأخ التاني ميدو إيه الحل معاهم هم الاتنين كل المباريات الكبيرة اللي بنحتاجهم فيها تلاقيهم بيخترعوا باسكت”.

ويطالب (محمد سالم)، بمراجعة اللعيبة والمحترف وعمل تصفية لهم والإبقاء على الافضل “بدون طبطة لانه مينفعش السنة ده تعدي بدون بطولة..بدل ما الفرقة عملة ذى موظف القطاع العام عاوز يقبض وياخذ ارباح بدون انتاج لانه مطمن محدش حيستبعده من الفرقة وفي الحالة بتاعتنا بدون بطولات لذا مطلوب”.