كتب- مصطفي عبد الناصر
مجلس إدارة نادي سموحة يتمنى الشفاء العاجل للأستاذة أسماء الخولي
تقدم مجلس إدارة نادي سموحة برئاسة الدكتور محمد عبد الحميد بلال، بخالص تمنياته بالشفاء العاجل لأسماء الخولي، عضو مجلس إدارة النادي، داعين المولى عز وجل أن يمنّ عليها بتمام الصحة والعافية، وأن يعجل بشفائها وعودتها سالمة معافاة.
من ناحيتها علقت أسماء الخولي، علي ذلك بعبارات: “يمكن أصعب حاجة في الحياة إنك تدخل لحظة وأنت مش عارف هتخرج منها بإيه، لكن دايمًا ربنا بيكون عارف 🤍
مضيفة: اليومين اللي فاتوا كانوا من أصعب الأيام عليا لكن الحمد لله عدّوا على خير وخرجت وأنا حاسة بقيمة نعم كتير في حياتي يمكن كنت باخدها كأنها عادية 🤍
أكتر حاجة فهمتها إن أجمل حاجات الحياة مش دايمًا بتكون ظاهرة، أجملها ستر ربنا ولطفه، ودعوة حلوة من حد بيحبك، وناس بتسندك وقت ما تكون محتاجهم
وشكر خاص لخالد حبيبي ❤️ اللي كل مرة الظروف بتحطني في موقف صعب بيثبتلي من جديد إنه فعلًا من أجمل أرزاق ربنا ليا، سند وأمان، ووجوده لوحده بيطمن قلبي ❤️
شكرًا على كل مرة كنت جنبي من غير ما أطلب، وكل مرة خلتني أحس إني مش لوحدي 😍🥰
ربنا يخليك ليا ويحفظك ويديمك في حياتي نعمة ورزق جميل 💙🧿
ولكل حد سأل عليا أو بعتلي أو دعالي وأنا ماقدرتش أرد، سامحوني، بس والله كل دعوة وصلتني ولمست قلبي 🙏❤️
الحمد لله على لطفه، وعلى ستره، وعلى نعمة الصحة، وعلى كل شخص جميل ربنا رزقني بيه 😍
الحمد لله دائمًا وأبدًا 🤍
