كتب-مصطفي عبد الناصر
نشر الدكتور عمر الغنيمي، منذ قليل منشوراً عبر حسابه علي شبكات التواصل الإجتماعي عقب فوزه بانتخابات نادي سموحة علي منصب نائب الرئيس.
وجاء فيه: “أعضاء نادي سموحة الأعزاء، من يوم ما دخلت النادي وأنا مؤمن إن اللي بيحب سموحة بجد… مكانه دايمًا فوق راسنا.ومهما اختلفت الانتخابات ونتائجها، يفضل التاريخ شاهد، والإنجازات باقية.
وعلشان كده…أنا إن شاء الله هعرض على مجلس الإدارة الموقر في أول اجتماعاته إننا نتفق على خطوة أراها واجبة وراقية تليق بتاريخ نادينا الكبير:
تكريم المهندس فرج عامر، الرئيس التاريخي لنادي سموحة،
والإعلان عن إطلاق اسمه على مجمع حمامات السباحة الأولمبي تقديرًا لسنوات طويلة من العطاء، والتأسيس، والبناء… اللي شارك فيها كل محب للنادي عبر تاريخه.
وكمان أدعو لتنظيم احتفالية كبيرة يشارك فيها أعضاء النادي كلهم… احتفال يليق بالمسيرة، ويرسل رسالة واضحة للجميع:
إن سموحة أكبر من أي خلاف، وأغلى من أي منافسة، وإننا كلنا ييت واحد … “نادي واحد.. هدف واحد”.
إحنا داخلين مرحلة جديدة محتاجة نكون كلنا إيد واحدة، واحترام كل من خدم النادي، وترك أي خلاف والبعد عن أي مشاكل… علشان نبدأ صفحة فيها تعاون، وهدوء، وشغل حقيقي يخدم الأعضاء.
إيدنا ممدودة للجميع… ومع بعض هنكمّل تطوير النادي، ونحل كل الملفات، ونبني مستقبل يليق باسم سموحة وتاريخه.
القادم أفضل بإذن الله… وبإيد كل محب ومخلص لسموحة.
