كتب-مصطفي عبد الناصر
أعلن محمد سمير، مدافع منتخب مصر والأهلي وزد إف سي السابق، إعتزاله رسمياً لعب كرة القدم قبل إقباله علي مشارف عقده الرابع وبعد مسيرة في الملاعب امتدت لنحو 20 عاماً.
وودع سمير محبيه برسالة محتواها: “بسم الله الرحمن الرحيم. وها قد حان وقت الرحيل عن عشقي الاول والأخير 
الحمدلله أننا طلعنا سالمين منها بشكر كل الانديه اللي مثلتها بدايه من مدرسه الكره ببني سويف ثم الانتقال الي اعظم نادي فالكون النادي الاهلي ومعاصره الجيل الذهبي وتحقيق بطولات لم اكن احلم بها وسيظل النادي الاهلي بيتي الاول والأخير
ومن ثم الانتقال لنادي سموحه ثم سيد البلد نادي الاتحاد السكندري اللي بعشق جماهيره ثم مسيره مميزه مع المقاولون العرب اللي بعتز بيه جداً وعشت ايام جميله مع الذئاب ثم المحطه الاخيره مع بيتي الثاني zed اللي عشت معاهم احلي ٣ سنين في حياتي
بشكر كل المسؤولين اللي تعاملت معاهم وكل المديرين الفنيين اللي اشتغلت معاهم وكل اللاعبين اللي زاملتهم يارب ميكونش حد زعلان مني وانا مش زعلان من حد مسيره بدأتها من سن ال٦ سنوات وانتهت في سن ال ٣٨ الحمدلله ١٨ سنه لعب في الدوري الممتاز واكتر من ٣٠٠ مباراة في الدوري
مسيره بعتز بيها وبتشرف بيها أمام عائلتي والجميع انتهي المشوار ولكن لم تنتهي الحكاية وان شاء الله بدايه جديده في عمل مختلف هعلن عنه قريباً شكراً علي دعمكم وتشجيعكم وكلامكم الحلو“.
