كتب-مصطفي عبد الناصر
نشرت كارينا جانجازوفا، بطلة الشراع وعضو نادي اليخت السكندري، استغاثة عبر حسابها الشخصي لمسئولي مديرية الشباب والرياضة بالإسكندرية بعد منعها من دخولي النادي مؤخراً.
وقالت كارينا في استغاثتها: “أعضاء نادي اليخت المصري الكرام..أنا كارينا مطلقه من شهر ١١ غيابي و تم سرق ابني مني من قبل الأب ومعي قرار حضانه من المحكمه”.
مضيفة: “بس مش هيّا دي القصه التي أريد سردها
نم تطليقي غيابي يوم ٣ -١١ و بعدها بيوم ذهبت الي نادي اليخت المصري لأبحث عن ابني منعني الأمن من الدخول علما باني عضوا في النادي منذ اكثر من ٥ سنوات و حصلت لنادي اليخت علي العديد من بطولات الجمهوريه في الشراع اخرها اول جمهوريه ٢٠٢٤ و أم لطفل و حسب قانون الشباب و الرياضه ليس من المسموح منعي من الدخول بس طبعا تم منعي لأني كنت زوجه اخو عضو مجلس أداره في النادي فتم استغلال سلطته في حين ان في نادي آخر سبورتنج لم يتم منعي من الدخول حتي الآن”.
متابعة: “قمت بمقابلة المدير و قابلني بطريقه غريبه جدا و قلت له ازاي يتم منعي من الدخول في حين ان سبورتنج بدخل فيه عادي قالي بالنص هناك عزبه و أي حد بيدخل و مش فاهمين حاجه استغربت من الرد مع ان نادي سبورتنج مثالا لتطبيق اللوائح و الانظباط
قمت بسؤاله ما الأوراق المطلوبه لفصل عضويه قالي بالنص قسيمه الطلاق شهاده ميلاد الطفل و اقامه ساريه علشان أنا أجنبيه و طيبه الخمس سنوات لم اقدم أي اقامه في النادي علشان طبعا كنت زوجه اخو مجلس الاداره”.
وواصلت: “المهم احضرت كل الأوراق و قمت بتقديمها في نادي اليخت و نادي سبورتنج في ان واحد في سبورتنج بعد ٢٩ يوم كلموني تعالي ادفعي دفعت و استلمت الكارتيه عضويه عامله في اليخت بعد شهرين ذهبت لأسال عن وضعي قالي المدير أقامتك سنه لازم يكون معاكي اقامه مدي الحياه علشان دي عضويه مدي الحياه علما ياني لدي طفل مصري الجنسيه و قانون مصر يعطي الاقامه سنويه و تجدد يعني هوا بيخترع و في الناحيه الاخري نادي سبورتنج المحترم لم يتطرق للموضوع الخايب ده و قام بتسليمي الكارتيه مع ان نفس قانون الشباب و الرياضه
قلت له أعطيني ما يثبت الكلام ده مكتوب في ورق رسمي رفض و قام بحديث غير لائق معي و قالي لا مش هديكي حاجه”.
مختتمة تصريحاتها: بأن”مجلس الاداره بيحكم بالمصالح الشخصيه و لا ينظر الي اللوائح أو المصلحه العامه، اتمني كارنيه نادي سبورتنج يدخلني النادي في موضوع التؤمه ده ولا هيطلعولي بموضع جديد”.
