لبيب يوجه الدعوة للخطيب لزيارة الزمالك

كتب-مصطفى عبد الناصر 

وجه مجلس إدارة نادي الزمالك الجديد برئاسة، حسين لبيب، الشكر إلى نظيره بالنادي الأهلي برئاسة، محمود الخطيب، معرباً عن امتنانه لتهنئة الأهلى بتوليه المسئولية.

ووجه المجلس الأبيض، الدعوة لإدارة الأحمر لزيارة مقر نادي الزمالك تأكيداً لقيم الروح الرياضية ولما فيه صالح الرياضة المصرية.

من جانبهم، استقبل عدد من جمهور نادى الزمالك المبادرة باندهاش وعدم ترحاب بعض الشئ إذ يقول (طارق شاكر- مشجع زملكاوى): “موقف غريب من المجلس الجديد! هل الاهلي نشر التهنئه علي السوشيال ميديا عشان ترد انت عبر السوشيال ميديا!؟ بارك في فاكس رد بالفاكس متدوش للحدث اكبر من اهميته”. وهو ما توافقه فيه (رغداء نديم-مشجعة زملكاوية) الرأى أيضاً قائلةً: “هما اصلا نشروا التهنئه علي صفحتهم علشان احنا ننزل رد التهنئه ليه الابنطاح ده ليه”.

فيما يقول (عمرو سليمان- أحد المنتمين للأبيض): “كابتن حسين المجلس دا اخد كهربا، لعب ف دماغ امام عاشور وكان عايز زيزو ودلوقتي بيدور ع فتوح، ليه ياكابتن حسين بتمد ايدك ليهم ليه، ناس عايزه الزمالك دايما غرقان وغير مستقر ودايما بيفكر يهزمك برا الملعب قبل جوا الملعب ليه ياافندم، المجلس دا استفز جمهور الزمالك اكتر من مره ليه؟غير موفقه”.

كما وصفت دكتور فريدة أرشيدوقة_أحد جماهير نادى الزمالك) المبادرة بالبداية غير المبشرة من قبل مجلس حسين لبيب قائلةً: “بداية مش مبشرة! لا تنسوا توجهوا الدعوة لكهربا وإمام عاشور.. ويا سلام لو جابوا في ايديهم شوبير. على فكرة جماهير الزمالك فاقدة المرارة من سنتين.. ومعندهاش حاجة تاني تفرقع.. فارحمونا وركزوا في النادي وانسوا الدبلوماسية الرومانسية دي”.