أعلن إيهاب صالح، عن انفصاله رسميا عن الفنانة شيرين عبد الوهاب، بعد أن كان يتعاون معها في إدارة أعمالها.
وشارك إيهاب صالح مؤخرا في الاتفاق على حفل شيرين عبد الوهاب في جدة بالمملكة العربية السعودية، وهو الحفل الذي حقق نجاحا كبيرا.
وكتب إيهاب صالح، عبر حسابه الشخصي بموقع تويتر: «جمهور شيرين العظيم الحمد لله على نجاح حفل جدة كما كان متوقعا، وده العادي بتاع شيري في أي حفلة، أجلت الإعلان بالقرار ده لحد بعد الحفلة، وحابب أشكركم جدا على كم الدعم الرهيب في خلال الفترة اللى فاتت ليها في المقام الأول، وطبعا بعد كده ليا».
وواصل مدير أعمال شيرين عبد الوهاب كلامه: «قررنا إن من الأفضل لينا إن نحط صداقتنا والعشرة قبل أي حاجة، وإني أبتعد عن إدارة أعمالها، وده أكيد لمصلحة الطرفين ولينا أسبابنا، مبروك وشكرا يا شيري من كل قلبي ويا رب أكون على قد وعدي وكلمتي ليكي، أني دايما في ضهرك والحمد لله الدنيا دارت من أول وجديد وتكسري الدنيا حفلة بعد حفلة، وخلاص أهو الألبوم على أبواب، ومتأكد أنه هينجح نجاح غير عادي».
وفي النهاية، وجه إيهاب صالح رسالة لـ شيرين عبد الوهاب، قائلا: «ربنا دايما يحبب فيكي خلقه، ويبعد عنك أي شر بكل أشكاله ويكتبلك السعادة، أتمنى التوفيق لمديرين الأعمال الجايين، وأدعمهم دايما بأي شكل أكيد عشان تفضلي دايما على القمة».
