حضر الرئيس عبد الفتاح السيسي إلى استاد القاهرة الدول، اليوم الجمعة، احتفالية إطلاق مبادرة (كتف في كتف)، والتي ينظمها التحالف الوطني للعمل الأهلي التنموي.
وقال الرئيس السيسي في كلمه: “أنا مش عارف أشكركم كلكم إزاي، شايف قدام مني شباب وشابات وأعمار مختلفة، حتى لسه كان فيه متطوع صغير بيقولي إحنا موجودين، وعايز أقولكم حاجة مهمة، المصريين كلهم باختلاف طبقاتهم شايفهم هنا، شايف قدام مني شريحة من كل المجتمع المصري من رجال الأعمال والقطاع الخاص والدولة، والدنيا كلها بتقوم بدور جميل جدا في وقت صعب”.
واضاف الرئيس السيسي: “النهارده كان لازم أجي أشكر وأقدر لكم كل اللي بتعملوه وهتعملوه، أن إحنا نساهم في تخفيف الأزمة الكبيرة اللي بتمر بيها الدنيا ومصر من غلاء الأسعار، ونكون موجودين ونلف على البيوت ونخفف على الناس الأسعار من خلال الـ5 ملايين كرتونة، بالإضافة أن فيه ناس كتير بتعمل كده، وأنا على علم بحاجات كتير بتتعمل الهدف منها أن الناس في مصر في الأيام الكريمة دي تعيش حياة كريمة”.
وتابع رئيس الجمهورية: “أشكركم، وتقديري للجميع وكلامي للجميع ودعواتي ليكن بالخير والسلام، من الحاجات الجميلة جدا إدخال السرور والبهجة على الناس وأتصور باللي إحنا بنعمله ده وبوجودكم بصرف النظر بتقدم إيه بس كفاية إنك بتخبط على بيته وبتقوله أنا شايفك وحاسس بيك.. فأنا بشكركم جميها وبقولكم كل سسنة وأنتم طيبين”.
